سموسے میں زہریلی چھپکلی، معصوم بچی کی حالت غیر ہوگئی

بھارت میں سموسے میں زہریلی چھپکلی نکلنے پر معصوم بچی کی حالت غیر  ہوگئی۔

بھارتی ریاست کے رنگا ریڈی ضلع کے شہر معین آباد میں ناقص کھانے کی فراہمی کا واقع پیش آیا جس نے عوام کو خوفزدہ کردیا اور حفظان صحت کے حوالے سے متعلقہ حکام کی کارکردگی پر سوالات کھڑے ہوگئے ہیں۔

معین آباد کے تولو کٹ گیٹ کے قریب واقعہ ایک سوئٹ شاپ سے دو بچوں نے سموسے خریدے جن میں سے ایک سموسے میں مبینہ طور پر مردہ چھپکلی پائی گئی۔

دونوں بچوں نے ایک ایک سموسہ کھایا تاہم جب دوسرے سموسے کو توڑا گیا تو اس میں مردہ چھپکلی موجود تھی۔ یہ منظر دیکھ کر بچوں میں گھبراہٹ پھیل گئی اور ایک بچی کی حالت غیر ہو گئی جس نے فوراً قے کر دی۔

اہلِ خانہ نے فوری طور پر بچی کو نزدیکی اسپتال منتقل کیا جہاں ابتدائی طبی امداد دی گئی۔

مقامی عینی شاہدین کا کہنا ہے کہ مذکورہ سویٹ شاپ میں عرصہ دراز سے صفائی ستھرائی کا خیال نہیں رکھا جا رہا تھا اور کھانے میں باسی آلو استعمال کیے جا رہے تھے۔ اکثر اوقات وہاں سے بدبو آتی تھی لیکن انتظامیہ کی طرف سے کوئی کارروائی نہیں کی گئی۔

واقعہ منظر عام پر آنے کے بعد دکان کا مالک فوری طور پر دکان کو تالا لگا کر غائب ہو گیا، مقامی افراد نے مطالبہ کیا ہے کہ دکان کے مالک کے خلاف سخت قانونی کارروائی کی جائے

فوڈ سیفٹی ڈپارٹمنٹ فوری طور پر علاقے کی تمام ہوٹلوں، سویٹ شاپس اور کھانے پینے کے مراکز کا معائنہ کرے اور ناقص اشیائے خورد و نوش فروخت کرنے والوں کے لائسنس منسوخ کیے جائیں۔

from ARY News Urdu- International- عالمی خبریں https://ift.tt/Hhkbcm3