ایلون مسک تاریخ رقم کرتے ہوئے دنیا کے پہلے ‘ٹریلین ایئر’ بن گئے

نیویارک: ٹیسلا کے بانی ایلون مسک دنیا کے پہلے ٹریلین ایئر بن گئے اور ان کی مجموعی دولت ایک ہزار ارب ڈالر سے تجاوز کرگئی۔

تفصیلات کے مطابق ٹیکنالوجی کی دنیا کے بے تاج بادشاہ اور ٹیسلا کے بانی ایلون مسک نے تاریخ رقم کرتے ہوئے دنیا کے پہلے ‘ٹریلین ایئر’ بننے کا اعزاز حاصل کر لیا ہے، جس کے بعد ان کے مجموعی اثاثے 1 ہزار ارب ڈالر (1 ٹریلین ڈالر) سے تجاوز کر گئے ہیں۔

ایلون مسک کی دولت میں یہ غیر معمولی اور تاریخی اضافہ ان کی خلائی کمپنی ‘اسپیس ایکس’ کی بڑھتی ہوئی مارکیٹ ویلیو کے باعث ہوا ہے۔

وال اسٹریٹ پر اسپیس ایکس کا ایک شیئر 135 ڈالر کی ریکارڈ قیمت پر فروخت ہو رہا ہے، جس کے اسٹاک میں حالیہ تیزی کے بعد ایلون مسک کے اثاثوں میں صرف ایک دن کے دوران تقریباً 75 ارب ڈالر کا بوم دیکھا گیا۔

معاشی ماہرین کا کہنا ہے کہ ایلون مسک کی صرف ایک دن کی یہ کمائی پاکستانی روپے میں تقریباً 20 ہزار 850 ارب روپے بنتی ہے۔

یہ رقم پاکستان کے نئے مالی سال کے مجموعی بجٹ (18 ہزار 771 ارب روپے) سے بھی کہیں زیادہ ہے، اگر ایلون مسک کے کل اثاثوں کا پاکستانی روپوں میں حساب لگایا جائے تو یہ ہوش ربا رقم تقریباً 2 لاکھ 78 ہزار ارب روپے بنتی ہے۔

ایلون مسک کی سلطنت صرف اسپیس ایکس تک ہی محدود نہیں ہے بلکہ ان کے دیگر بڑے اثاثوں اور آمدن کے ذرائع میں کمپنیاں شامل ہیں۔

جس میں الیکٹرک گاڑیاں بنانے والی دنیا کی معروف کمپنی۔ ، آرٹیفیشل انٹیلیجنس (AI) کا جدید ترین اسٹارٹ اپ ایکس اے آئی اور دی بورنگ کمپنی کے حصص بھی شامل ہیں۔

اسپیس ایکس کی ریکارڈ ساز کامیابی نے ایلون مسک کو دنیا کے دیگر تمام ارب پتیوں سے بہت آگے لا کھڑا کیا ہے اور وہ دنیا کی تاریخ کے امیر ترین ترین فرد بن چکے ہیں۔

from ARY News Urdu- International- عالمی خبریں https://ift.tt/IsSRfFh