ٹرمپ نے قومی سلامتی کے مشیر مائیک والٹز کو برطرف کر دیا

امریکی صدر ڈونلڈ ٹرمپ نے مائیک والٹز کے بطور امریکی مشیر قومی سلامتی کے عہدہ چھوڑنے کی تصدیق کر دی۔

برطانوی نشریاتی ادارے بی بی سی کے مطابق امریکی صدر ڈونلڈ ٹرمپ کی صدارت کے 100 روز مکمل ہوتے ہی ٹرمپ انتظامیہ میں بڑی تبدیلی ہوگئی، ٹرمپ نے قومی سلامتی کے مشیر مائیک والٹز کو  عہدے سے ہٹا دیا۔

صدر ٹرمپ نے سوشل میڈیا پر اپنے ایک پیغام میں والٹز کی خدمات کا شکریہ ادا کیا اور بتایا کہ ان کی جگہ وقتی طور پر وزیر خارجہ مارکو روبیو کو قومی سلامتی کے مشیر کا اضافی چارج دیا گیا ہے۔

دوسری جانب امریکی صدر ٹرمپ نے مائیک والٹز کو اقوام متحدہ میں امریکا کے سفیر کے طور پر نامزد کرنے کا اعلان کیا ہے جبکہ وزیر خارجہ مارکو روبیو قومی سلامتی کے مشیر کے طور پر بھی کام کریں گے۔

واضح رہے کہ یمن حملوں کی منصوبہ بندی سوشل میڈیا پر لیک ہونے کے اسکینڈل پر مائیک والٹز کو سخت تنقید کا سامنا تھا، اس سے قبل رپورٹ سامنے آرہی تھیں کہ مائیک والٹز جلد عہدے سے مستعفیٰ ہوجائیں گے۔

from ARY News Urdu- International- عالمی خبریں https://ift.tt/NcqRU5W