3 منزلہ عمارت زمین بوس، متعدد ہلاک

نائیجیریا کے دارالحکومت ابوجا میں 3 منزلہ عمارت زمین بوس ہونے کے نتیجے میں 7افراد لقمہ اجل بن گئے۔

بین الاقوامی خبر رساں ادارے کی رپورٹ کے مطابق نائجیریا کے دارالحکومت ابو جا میں تین منزلہ عمارت گرنے کے نتیجے میں 7 افراد ملبے تلے دب کر جان کی بازی ہار گئے۔

فیڈرل صدر مقام ایمرجنسی مینجمنٹ ایجنسی کے ڈائریکٹر جنرل عبدالرحمن محمد کے مطابق ابوجا کے علاقے سبون لگبے میں 3 منزلہ عمارت گر گئی۔ملبے سے 7لاشیں نکال لی گئی ہیں۔

اُن کا مزید کہنا تھا کہ زخمیوں کا علاج کیا جا رہا ہے اور واقعہ کے علاقے میں تلاش اور بچاؤ کی کوششیں تیز کردی گئی ہیں۔

اس سے قبل مصر کے صوبہ اسیوت میں ایک تین منزلہ عمارت زمین بوس ہونے سے 14 افراد لقمہ اجل بن گئے۔

رپورٹ کے مطابق اسیوت کے گورنر عسام سعد کا اس حوالے سے کہنا تھا کہ الشرق نامی محلے میں منہدم ہونے والی عمارت کا لمبہ ہٹا دیا گیا ہے۔

وائرل ویڈیو: بارش سے کثیر المنزلہ عمارت کے زمیں بوس ہونے کا خوفناک منظر

عسام سعد کا کہنا تھا کہ زمین بوس ہونے والی عمارت کے ملبے سے 6 افراد کو زندہ بچا لیا گیا ہے جبکہ اموات کی تعداد 14 ہو گئی ہے، عمارت کے گرنے کا سبب جاننے کی کوشش کی جا رہی ہے۔

from ARY News Urdu- International- عالمی خبریں https://ift.tt/t9Hbk3e