پاکستان بڑا نان نیٹو اتحادی اور نیٹو پارٹنر ہے، امریکی محکمہ خارجہ

امریکی محکمہ خارجہ کے ترجمان کا کہنا ہے کہ امریکا علاقائی سلامتی، دفاعی تعاون پر پاکستان کے ساتھ شراکت کا منتظر ہے، پاکستان بڑا نان نیٹو اتحادی اور نیٹو پارٹنر ہے۔

بین الاقوامی خبر رساں ادارے کی رپورٹ کے مطابق ترجمان کا بھارتی سپریم کورٹ کے فیصلے پر کہنا تھا کہ فیصلے پر جموں و کشمیر میں پیش رفت کو قریب سے دیکھ رہے ہیں۔

امریکی محکمہ خارجہ کے ترجمان نے مزید کہا کہ جموں و کشمیر میں سیاسی معاملات بحال کرنے کے بھارتی حکومت کے وعدے پورے کرنے کے منتظر ہیں۔

دوسری جانب امریکی صدر بائیڈن کا کہنا ہے کہ غزہ پر بمباری کی وجہ سے اسرائیل کی حمایت ختم ہونے لگی ہے۔

خبر رساں ادارے رائٹرز کی رپورٹ کے مطابق بائیڈن نے خبردار کیا کہ اسرائیل غزہ پر مسلسل بمباری کی وجہ سے عالمی برادری کی حمایت کھونے لگا ہے۔

بائیڈن نے واشنگٹن میں ایک مہم کی فنڈ ریزنگ تقریب میں کہا کہ وہ اس حمایت سے محروم ہونا شروع کر رہے ہیں، نیتن یاہو کو اپنی سخت گیر حکومت کو تبدیل کرنے کی ضرورت ہے۔

امریکی صدر نے اعتراف کیا کہ نیتن یاہو کی انتہائی دائیں بازو کی حکومت فلسطینی ریاست کے قیام کی مخالفت کرتی ہے۔

امریکی صدر جوبائیڈن نے بھارت کا دورہ منسوخ کردیا

بائیڈن نے کہا کہ ”یہ اسرائیل کی تاریخ کی سب سے قدامت پسند حکومت ہے جو ”دو ریاستی حل نہیں چاہتی“۔بائیڈن کے تبصرے ایسے وقت میں سامنے آئے ہیں جب ان کی انتظامیہ بار بار غزہ میں جنگ کے بعد تنازع کے دو ریاستی حل پر زور دیتی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/oXdRrCw