بھارت میں سابق حکومت کے دور کا افغان سفارت خانہ بند

نئی دہلی: بھارت میں سابق حکومت کے دور کا افغان سفارت خانہ بند کر دیا گیا، اور افغان سفیر اور کئی اعلیٰ عہدے دار سفارت کار یورپ اور امریکا چلے گئے۔

تفصیلات کے مطابق بھارت میں افغان سفارت خانہ سابق دور حکومت کے تعینات عملے سے آباد تھا، تاہم اب یہ سفارت خانہ بند ہو گیا ہے، بھارت میں افغان سفارتخانے نے جمعے کے روز ایک اہم قدم اٹھاتے ہوئے اپنی تمام کارروائیاں معطل کر دی تھیں، اور افغان سفیر اور کئی اعلیٰ عہدے دار سفارت کار یورپ اور امریکا چلے گئے، جہاں انھوں نے سیاسی پناہ کی درخواست کی تھی۔

افغان سفارت خانے کے عملے نے بھارتی وزارت خارجہ کو خط لکھ کر سفارت خانہ بند کرے کی وجوہ بیان کرتے ہوئے کہا کہ ہندوستانیوں کی جانب سے سفارتی کام میں تعاون نہیں کیا جا رہا، سفارت خانے کو بائی پاس کیا جا رہا ہے، اور افغانستان سے براہ راست رابطے کیے جا رہے ہیں۔

خط کے مطابق اگست 2021 میں آئی ای اے کے کابل پر قبضے کے بعد سے 3000 افغان طلبہ ویزوں کے منتظر ہیں، اور ان کی تعلیم متاثر ہو رہی ہے، افغان مریض جو ہندوستان آتے تھے وہ بھی پریشانی کا شکار ہیں، اس لیے عملہ اب سفارت خانہ بند کر رہا ہے۔

روس کا افغانستان میں غیر علاقائی عناصر کی بڑھتی شمولیت پر اظہارِ تشویش

واضح رہے کہ کسی بھی قوم نے افغانوں کو اتنی تیزی سے نہیں چھوڑا جتنا ہندوستانیوں نے چھوڑا، ہندوستان اب مختلف ذرائع اور طریقوں سے نئی عبوری حکومت تک رسائی حاصل کر رہا ہے۔ یہ بات قابل ذکر ہے کہ ہندوستان سرکاری طور پر طالبان کی حکومت کو تسلیم نہیں کرتا اور 2021 میں طالبان کے اقتدار سنبھالنے پر کابل میں اپنا سفارت خانہ بھی بند کر دیا تھا۔

اصل چیلنج یہ ہے کہ ہندوستانی میڈیا میں آئی ای اے کو کس طرح پیش کیا جاتا ہے اورآئی ای اے مسلمانوں کی حالت زار سے متعلق کیا رویہ اپناتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/vtzfh1T