امریکا کا عمران خان کی نااہلی پر تبصرے سے گریز

امریکی محکمہ خارجہ نے پی ٹی آئی چیئرمین اور سابق وزیراعظم عمران خان کی توشہ خانہ کیس میں نااہلی پر تبصرے سے گریز کیا ہے۔

امریکی محکمہ خارجہ کے ترجمان نیڈ پرائس نے واشنگٹن میں میڈیا کو بریفنگ کے دوران پاکستان تحریک انصاف کے چیئرمین اور سابق وزیراعظم کو الیکشن کمیشن کی جانب سے توشہ خانہ ریفرنس میں نا اہل قرار دینے کے فیصلے کے سوال پر اس معاملے پر تبصرہ کرنے سے گریز کیا۔

نیڈ پرائس نے کہا کہ امریکا پاکستانی کی اندرونی سیاست میں خود کو شامل نہیں کرے گا، ہم پاکستانی سیاسی نظام اورعدالتوں کے درمیان معاملات میں نہیں پڑیں گے۔

واضح رہے کہ الیکشن کمیشن نے توشہ خانہ ریفرنس میں گزشتہ ہفتے سابق وزیراعظم عمران خان کو نا اہل قرار دیا تھا۔

اس فیصلے کے بعد گزشتہ روز الیکشن کمیشن نے این اے 95 کے حلقہ کی نشست کو خالی قرار دیتے ہوئے عمران خان کو ڈی نوٹیفائی کر دیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/y3lAVHR