دوران سماعت جج کا موبائل فون چوری

فیصل آباد کی عدالت میں دوران سماعت سول جج کا موبائل فون چوری ہونے کا دلچسپ واقعہ پیش آیا ہے۔

اے آر وائی نیوز کی رپورٹ کے مطابق فیصل آباد کی مقامی عدالت میں دوران سماعت سول جج محمد ذوالقرنین کا موبائل فون چوری کرنے والے ملزم کو پولیس نے گرفتار کرلیا ہے، ملزم کی شناخت مصطفیٰ کے نام سے ہوئی ہے۔

پولیس نے ملزم سے سول جج کا چوری شدہ موبائل برآمد کرکے ملزم کیخلاف مقدمہ درج کرلیا ہے۔

پولیس کا کہنا ہے کہ ملزم مصطفی خود کو وکیل کا منشی ظاہر کر کے کمرہ عدالت میں گھسنے میں کامیاب ہوگیا تھا، جہاں سے اس نے معزز جج کا موبائل چوری کرلیا۔

رپورٹ کے مطابق تھانہ سول لائن پولیس نے ملزم کو احاطہ کچہری سے گرفتار کیا ہے۔

from پاکستان – ARYNews.tv | Urdu – Har Lamha Bakhabar https://ift.tt/ls9xnKL