جنہوں نے ملک لُوٹا ان کے نام ای سی ایل سے نکالے گئے، حلیم عادل

وزارت داخلہ نے گزشتہ روز ای سی ایل سے درجنوں نام نکالے گئے، وزارت داخلہ میں لسٹوں کی چھانٹی جاری ہے۔ 4 ماہ تک رہنے والے تمام نام ای سی ایل سے نکال دیے جائیں گے۔

ای سی ایل معاملے پر اپوزیشن لیڈر سندھ اسمبلی حلیم عادل شیخ نے اپنے ایک بیان میں کہا ہے کہ گزشتہ شب150کرمنلز موسٹ وانٹڈ کا نام ای سی ایل سے نکالا گیا۔

حلیم عادل شیخ نے کہا کہ نیب اور ایف آئی اے کو مطلوب لوگوں کو ای سی ایل سے نکالا گیا، اربوں روپے کے ڈاکے ڈالنے والوں کے نام نکالے گئے۔

پی ٹی آئےی رہنما نے کہا کہ ای سی ایل پر نام ڈالے گئے کہ کہیں یہ عوام کا پیسہ لیکر بھاگ نہ جائیں، رانا ثنااللہ نے رانا ثنااللہ کا نام ای سی ایل سے نکال دیا۔

حلیم عادل شیخ نے کہا کہ جنہوں نے ملک کو لوٹا وہ ڈاکو آزاد ہوگئے، یہ این آر او لیا اور دیا جارہا ہے، اب یہ نیب کو ختم کرکے پاکستان سے بھاگ جائیں گے۔

قوم جاگ جائے قوم ان ہتھکنڈوں کو پہچانے، قوم کے ساتھ ہونے والا تماشہ ناقابل قبول ہے، عمران خان نے دوبارہ آنا ہے اس لیے یہ پہلے سے بھاگ رہے ہیں۔

واضح رہے کہ حکومت نے ای سی ایل سے وزیر اعظم شہباز شریف، وزیر داخلہ رانا ثناء اللہ، شاہد خاقان عباسی، وزیر ریلوے سعد رفیق اور وزیر دفاع خواجہ آصف کے نام بھی نکال دیے ہیں۔

مزید پڑھیں : وزیر اعظم سمیت 100 سے زائد نام ای سی ایل سے خارج

اس کے علاوہ پیپلز پارٹی کے شریک چیئرمین و سابق صدر مملکت آصف علی زرداری اور ان کی ہمشیرہ فریال تالپور سمیت کئی اہم شخصیات کے نام نکال دیے گئے ہیں۔ ان افراد کے نام نیب اور ایف آئی اے کی سفارش پر ای سی ایل میں ڈالے گئے تھے۔

ذرائع کا کہنا ہے کہ عدالت اور سکیورٹی ادارے کی سفارش پر ڈالے گئے نام موجود رہیں گے،3000 کے قریب نام ای سی ایل سے نکالے جانے ہیں۔

from پاکستان – ARYNews.tv | Urdu – Har Lamha Bakhabar https://ift.tt/vkJIqWc