اوآئی سی وزرائے خارجہ اجلاس آج سے شروع ہوگا

اسلام آباد: اوآئی سی وزرائے خارجہ کا48واں اجلاس آج اسلام آباد میں شروع ہوگا, اجلاس 2دن جاری رہے گا، شاہ محمود قریشی صدارت کریں گے۔

اس حوالے سے ذرائع کا کہنا ہے کہ تمام مسلم ممالک سے آئے ہوئے معزز مہمانان گرامی اسلام آباد میں موجود ہیں، پارلیمنٹ ہاؤس میں تیاریاں مکمل کی جاچکی ہیں۔

وزیراعظم عمران خان افتتاحی سیشن سے خطاب کریں گے، پاکستان 4بار او آئی سی وزرائے کونسل اجلاسوں کی میزبانی کرچکا ہے۔

او آئی سی وزرائے خارجہ اجلاس کا تھیم (مرکزی خیال)اتحاد، انصاف اور ترقی رکھا گیا ہے، مقبوضہ کشمیر میں انسانی حقوق کی سنگین صورت حال کا جائزہ لیا جائے گا۔

ذرائع کے مطابق جموں و کشمیر پر او آئی سی رابطہ گروپ کا اجلاس بھی ہوگا، شرکاء23 مارچ کی یوم پاکستان کی پریڈ میں بھی شرکت کریں گے۔

چینی وزیرخارجہ وانگ ژی بطورخصوصی مہمان اجلاس میں شریک ہوں گے، مبصر ممالک کے نمائندے بھی اجلاس میں شرکت کریں گے۔

اقوام متحدہ،عرب لیگ اورگلف کوآپریشن کےنمائندگان بھی شریک ہونگے، اوآئی سی اقوام متحدہ کے بعد دُنیا کی دوسری بڑی بین الاقوامی تنظیم ہے۔

from پاکستان – ARYNews.tv | Urdu – Har Lamha Bakhabar https://ift.tt/F2PCJf5