شہری نے ڈاکوؤں کو مایوس کردیا، ناکام واردات کی انوکھی کہانی

کراچی : شاہ فیصل کالونی میں ڈکیتی کی واردات ناکام واردات ہوگئی، ڈاکوؤں کو دیکھ کر شہری اپنی رقم لے کر بھاگ نکلا، ڈاکو اپنا سا منہ لے کر واپس لوٹ گئے۔

کراچی کے علاقے شاہ فیصل کالونی میں عظیم پورہ گرین ٹاؤن کے قریب مسلح ڈاکوؤں کو دیکھتے ہی شہری اپنی موٹر سائیکل چھوڑ کر پیدل بھاگ گیا۔

اس حوالے سے ذرائع نے بتایا کہ ایک مقامی شہری اپنے دوست کے ہمراہ بینک سے رقم نکال کر اپنے گھر جا رہا تھا کہ ملزمان نے اس کا پیچھا کرنا شروع کردیا۔

ڈکیتی کی ناکام واردات کی سی سی ٹی وی فوٹیج اے آر وائی نیوز کو موصول ہوگئی، جس میں دیکھا جاسکتا ہے کہ آفس ڈریسنگ میں ملبوس موٹرسائیکلوں پر 2 ڈاکو اچانک آگئے۔

ڈاکو کو دیکھتے ہی شہری نے اگلے ہی لمحے اپنی موٹر سائیکل چھوڑی اور پیدل ہی بھاگ کھڑا ہوا، شہری کے ساتھ موجود اس کا دوست موقع پر ہی کھڑا رہا۔

شہری کو بھاگتا ہوا دیکھ کر ایک ملزم نے پستول نکالنے کی بھی کوشش کی تاہم ملزمان نے شہری کے ساتھی کو کچھ نہ کہا اور ناکام واپس چلے گئے۔

from پاکستان – ARYNews.tv | Urdu – Har Lamha Bakhabar https://ift.tt/FIufpbE