سعودی عرب کا یومِ تاسیس :وزیراعظم کی سعودی فرمانروا اور ولی عہد کو تہہ دل سے مبارکباد

اسلام آباد: وزیراعظم عمران خان نے سعودی عرب کے تاریخی یوم تاسیس موقع پر خادم حرمین شریفین شاہ سلمان بن عبد العزیزکو تہہ دل سے مبارکباد دی۔

تفصیلات کے مطابق سعودی عرب میں مملکت کے یوم تاسیس کے تاریخی دن پر وزیراعظم عمران خان نے سماجی رابطے کی ویب سائٹ ٹوئٹر پر سعودی فرمانروا شاہ سلمان بن عبدالعزیز اور سعودی ولی عہد شہزادہ محمد بن سلمان کو تہہ دل سے مبارکباد دیتے ہوئے کہا دعا ہے دونوں ممالک اوران کےعوام خوشحالی کے سفرپرگامزن رہیں اور یہاں کے باشندوں کوخوشحالی ہمیشہ میسررہے۔

On the historic Founding Day of Kingdom of Saudi Arabia, I extend our heartiest greetings to the Custodian of the Two Holy Mosques, HM King Salman bin Abdulaziz; HRH Crown Prince Mohammed Bin Salman; & brotherly people of the Kingdom. May our two countries & our people prosper.

— Imran Khan (@ImranKhanPTI) February 22, 2022

خیال رہے سعودی عرب میں آج پہلی سعودی ریاست کا یوم تاسیس منایا جا رہا ہے، اس موقع پر مملکت کے شہروں میں ثقافتی، تفریحاتی اور عوامی پروگرام ہوں گے۔

یاد رہے کہ فروری 1727 کو امام محمد بن سعود نے پہلی سعودی ریاست کی بنیاد رکھی تھی، 300 برس قبل پہلی سعودی ریاست کا دارالحکومت الدرعیہ تھا۔ قرآن کریم اور سنت نبوی کو ریاست کا دستور قرار دیا گیا تھا اور اب تک سعودی ریاست اسی شاہراہ پر گامزن ہے۔

from پاکستان – ARYNews.tv | Urdu – Har Lamha Bakhabar https://ift.tt/1sAZaDr